॥ਅੱਕ॥
ਅਸੀਂ ਅੱਕ ਦੇ ਬੂਟੇ ਹਾਂ,
ਹਿੱਕੜੀ ਦੁਸ਼ਮਣ ਦੀ
ਅਸੀਂ ਲੈਂਦੇ ਝੂਟੇ ਹਾਂ।
ਜੀ ਬੂਟੇ ਅੱਕ ਦੇ ਹਾਂ
ਹਿੱਕੜੀ ਵੈਰੀ ਦੀ
ਅਸੀਂ ਨਚਦੇ ਟਪਦੇ ਹਾਂ॥
ਇੱਕ ਫੰਭੜੀ ਸਾਡੀ ਹੈ,
ਵਿਚ-ਵਿਚ ਰੇਤਾ ਦੇ
ਇਹ ਛਤਰੀ ਸਾਡੀ ਹੈ।
ਦੁੱਧ ਪਿਆ ਚੋਂਦਾ ਹੈ
ਅਸੀਂ ਪੀ-ਪੀ ਹਸਦੇ ਹਾਂ
ਦੁਸ਼ਮਣ ਕਿਉਂ ਰੋਂਦਾ ਹੈ॥
ਅੰਬ ਵਰਗੀ ਕੁਕੜੀ ਹੈ
ਧੀਏ ਰੱਖ ਜੇਰਾ
ਜਿੰਦੜੀ ਨਹੀਂ ਮੁਕੜੀ ਹੈ।
ਬੇਸ਼ੱਕ ਛਾਂ ਛੋਟੀ ਹੈ,
ਦੁੱਖ ਪਰਦੇਸਾਂ ਦੇ
ਨਾ ਪੰਡ ਨਾ ਤੱਕੜੀ ਹੈ॥
ਅੱਕਾਂ ਦੀ ਇੱਕ ਦੁਨੀਆ
ਮਗਰੂਰ ਦੀ ਬੋਤਲ ਜਾਂ
ਮਜਬੂਰ ਦਾ ਇੱਕ ਪਊਆ।
ਇੱਕ ਹਾਉਕਾ ਸੁਣ ਲੋਕਾ,
ਅਸੀਂ ਹੱਸ-ਹੱਸ ਰੋਂਦੇ ਹਾਂ,
ਦੋਖੀ ਰੋ-ਰੋ ਹੈ ਹਸਦਾ॥
(ਅੱਕ ਸਿਉ ਪ੍ਰੀਤ ਕਰੇ ਅਕਤਿਡਾ)
No comments:
Post a Comment