॥ਕਿੱਕਰ॥
ਸੁਣ ਕਿੱਕਰੇਮੇਰੀਏ ਮਿੱਤਰੇ
ਨੀ ਤੇਰੀਆਂ ਸੂਲ਼ਾਂ
ਲਗਦੀਆਂ ਮਖ਼ਮਲ਼।
ਮੈਂ ਸੌਂ ਜਾਂ ਨਿਸ਼ੱਕ
ਚਾਹੇ ਮੇਰਾ ਦਿਲ॥
ਸੁਣ ਕਿੱਕਰੇ
ਸੁਆ ਦੇ ਸ਼ਿਕਰੇ
ਤੇਰੇ ਪੱਤੇ
ਨੀ ਹੁਕਮ ਦੇ ਯੱਕੇ।
ਜਾਂਦਿਆਂ ਰਾਹੀਆਂ
ਮਿਟਾਈਆਂ ਨੀਂਦਾਂ
ਕਦੇ ਨਾ ਥੱਕੇ॥
ਸੁਣ ਕਿੱਕਰੇ
ਖੜ੍ਹੀ ਤੂੰ ਪਹਿਰੇ
ਨੀ ਪਹਿਰੇ ਰੋਹੀਆਂ ਦੇ।
'ਕੱਲੀ ਲਕੜੀ ਵਣਾਂ ਦੇ ਅੰਦਰੀਂ
ਦੁੱਖ ਦਸਦੀ,
ਨੀ ਦੁੱਖ ਨਿਰਮੋਹੀਆਂ ਦੇ॥
ਸੁਣ ਕਿੱਕਰੇ
ਸੁਣਾ ਦੇ ਫਿਕਰੇ
ਫਿਕਰ ਤੂੰ ਯਾਰਾਂ ਦੇ।
ਮਰਨੇ ਚਿੜੀਆਂ ਦੇ
ਤੇ ਹਾਸੇ ਗੰਵਾਰਾਂ ਦੇ॥
ਸੁਣ ਕਿੱਕਰੇ
ਕਿ ਤੇਰਾ ਜ਼ਿਕਰ ਏ
ਬਜ਼ਮ ਹੈ ਦੁਸ਼ਮਣ ਦੀ।
ਜ਼ਖ਼ਮ ਜਾਂ ਫੋੜਾ, ਜੋ ਦਿਸਦਾ ਥੋੜਾ
ਬੱਸ ਲੋੜ ਆ ਛਿੱਲਣ ਦੀ॥
ਸੁਣ ਕਿੱਕਰੇ
ਨੀ ਵੱਡੀਏ ਭੈਣੇ
ਪਾਉਂਦੀ ਕਿਉਂ ਵੈਣ ਏ
ਸਮੇਂ ਦੀ ਡੈਣ ਏ।
ਨੀ ਆਪਣਾ ਰੋਹੀਆਂ ਮੇਂ
ਵਸੇਰਾ ਤੇ ਨਾਲੇ ਰੈਣ ਏ॥
No comments:
Post a Comment