॥ਚਿਲਮਾਂ॥
ਚਿਲਮਾਂ ਤੋਂ ਕੀ ਚਿਲਮਨ
ਸਮਾਧੀ ਸਾਧਾਂ ਦੀ
ਤਨ ਮਨ ਜਾਂ ਧਨ ਹਨ।
ਬੋਧੀ ਕੀ ਜਾਣਨ
ਕਿ ਭੇਖੀ ਕਿੰਜ ਮਾਣਨ
ਰੁਦਨ ਹੀ ਹੁਦਨ ਹੈ, ਰੁਦਨ ਹੀ ਰੁਦਨ॥
ਧੁਆਂਖਾ, ਧੂਆਂ, ਧੂਆਂ,, ਧੂਆਂ
ਹੇਠਾਂ ਮੈਂ ਆਂ, ਮੈਂ ਆਂ, ਮੈਂ ਆਂ,
ਕਿ ਉੱਤੇ ਤੂੰ ਆਂ, ਤੂੰ ਆਂ, ਤੂੰ ਆਂ।
ਕਿ ਮਾਟੀ ਭੁੱਜੀ ਹਾਂ,
ਵਕਤਾਂ ਸੰਗ ਰੁੱਝੀ ਹਾਂ
ਤੇਰੇ ਵੱਲ ਮੂੰਹ ਆਂ, ਮੂੰਹ ਆਂ, ਮੂੰਹ ਆਂ॥
ਬੁਝਾਰਤ ਅਮਲੀ ਦੀ,
ਕਿ ਹਾਸਿਲ ਕਮਲੀ ਦੀ,
ਮਿੱਟੀ ਮੈਂ ਗਿੱਠ ਭਰ ਦੀ।
ਦੋਸਤ ਵਰਾਵਾਂ ਕਿ ਪੀਰ ਮਨਾਵਾਂ
ਵੈਰੀ ਥੀਂ ਠਿੱਠ ਕਰਦੀ।।
No comments:
Post a Comment