॥ਜੰਡ॥
ਬਦਨਾਮ ਬੜਾ ਹਾਂ ਮੈਂ
ਕਿ ਮਰਿਆ ਕਿਉਂ ਮਿਰਜ਼ਾ
ਆ ਕੇ ਹੇਠ ਮੇਰੇ।
ਰੁਕ ਜਾ, ਜਾਂ ਦੱਸ ਜਾ
ਦੱਸ ਜਾ ਵੇ ਰਾਹੀਆ॥
ਪੱਤਾ ਇੱਕ-ਇੱਕ ਤੇ ਖੋਖਾ,
ਲੁਛਦਾ ਪਿਆ ਵੇ ਲੋਕਾ
ਜਿਸ ਦਿਨ ਦਾ ਪਿਆ ਹੋਕਾ।
ਕਿ ਸਾਹਿਬਾਂ ਬਣੀ ਭਰਾਵਾਂ ਦੀ
ਜੰਡ ਕਰਦਾ ਤਾਂ ਕੀ ਕਰਦਾ॥
ਕਿ ਦੁਖੜੇ ਜੰਡੀਆਂ ਦੇ
ਕਦ ਪੁੱਛਣੇ ਕੰਧੀਆਂ ਨੇ
ਕਦ ਰੁਕਣੈ ਹਿਰਨਾਂ ਨੇ
ਕਦ ਤਣਨੈ ਫੰਦੀਆਂ ਨੇ
ਕਦ ਰੋਣੈ ਭੰਡਾਂ ਨੇ
ਕਦ ਹੱਸਣਾ ਰੰਡੀਆਂ ਨੇ
ਇਹ ਹਾਸੇ ਗਰਮ ਬੜੇ
ਇਹ ਪੀੜਾਂ ਠੰਢੀਆਂ ਨੇ।
ਇੱਕ ਦਾਨਾਬਾਦ ਦੀ ਲਾਲਸਾ
ਇੱਕ ਤਖ਼ਤ ਹਜ਼ਾਰੇ ਦਾ ਹਾਦਸਾ
ਵਿਚ ਝੰਗ ਸਿਆਲਾਂ ਦੇ
ਭਖੀਆਂ ਮੰਡੀਆਂ ਨੇ॥
No comments:
Post a Comment