(ਕਰੀਰ ਦਾ ਵੇਲਣਾ, ਮੈਂ ਵੇਲ ਵੇਲ ਥੱਕੀ ... ਤੋਂ ਅੱਗੇ)
(ਪਤ੍ਰੰ ਨੈਵ ਯਦਾ ਕਰੀਰ ਵਿਟਪੇ ਦੋਸ਼ੋ ਵਸੰਤਸਯ ਕਿੰ-ਭਰਤਰੀਹਰੀ, ਨੀਤੀਸ਼ਤਕ, 93॥ ਤੋਂ ਪਹਿਲਾਂ)
ਬਣਾਇਆ ਵੇਲਣਾ ਮੈਨੂੰ
ਕਿ ਡੇਲੇ ਡੇਲਣਾ ਮੈਨੂੰ।
ਉਦੋਂ ਦਾ ਭੁੱਲਿਆ ਯਾਰੋ
ਕਿ ਖੇਡਾਂ ਖੇਲਣਾ ਮੈਨੂੰ॥
ਮੇਰੇ ਕੁੱਝ ਸੱਕ ਸਾਥੀ ਸਨ
ਮੇਰੇ ਕੁੱਝ ਅੱਕ ਸਾਥੀ ਸਨ
ਸੀ ਬੂਟਾ ਹਰਮਲ ਦਾ
ਨਿਸ਼ਾਨ ਤਹੱਮਲ ਦਾ।
ਬਣਿਆ ਕੀ ਮੇਰੇ ਦਿਲ ਦਾ?
ਮੇਰੇ ਕੰਡੇ, ਮੇਰੇ ਪਿੰਡੇ
ਕਿਸੇ ਨੇ ਸੇਵੀਆਂ ਪਾਈਆਂ
ਉਹ ਰੁੱਤਾਂ ਕਿੱਧਰ ਨੂੰ ਗਈਆਂ
ਉਹ ਪੌਣਾਂ ਕਿੱਧਰ ਨੂੰ ਧਾਈਆਂ?
ਕਿ ਰੌਣਾਂ ਤੀਆਂ ਹਨ ਲਾਈਆਂ
ਕਿੱਥੇ ਨੇ ਮਿਰਜ਼ੇ ਦੀਆਂ ਭਰਜਾਈਆਂ?
ਹਾਏ ਰੋਹੀ ਹੀ ਰੋਹੀ ਹੈ
ਕਿਸ ਨੇ ਰੂਹ ਕੋਹੀ ਹੈ?
ਅਕਲਾਂ ਦੀ ਮੰਡੀ ਵਿੱਚ,
ਮੇਰੀ ਸ਼ਕਲ ਕਿਉਂ ਜੋਹੀ ਹੈ?
No comments:
Post a Comment